*breaking news*

*త్రినేత్ర ట్రూత్‌లైన్ - పత్రిక / న్యూస్*

* నల్గొండలో దారుణ హత్య*

*ఒక్కసారిగా ఉలిక్కి పడ్డ నల్గొండ పట్టణం.*

*కళ్లలో కారం చల్లి.. రాళ్లతో దాడి?*

*బంటు వెంకటేష్ మృతుడు…!*

మృతుడు భార్య తో గొడవలు ఉన్నట్టు గా సమాచారం..

3 పురుషులు , 2 మహిళలు వచ్చినట్టు గా సమాచారం…

భార్య కూడా ఈ దాడిలో ఉన్నారు మృతుడి కుటుంబ సభ్యులు చెప్తున్నారు.

గంధంవారిగూడెంలో ఒక్కసారిగా ఉలిక్కిపడిన పట్టణం

నల్గొండ | 01-10-2026 | త్రినేత్ర ట్రూత్‌లైన్ | ప్రతినిధి

నల్గొండ పట్టణం ఒక్కసారిగా ఉలిక్కిపడింది. పట్టణంలోని గంధంవారిగూడెం ప్రాంతంలో ఓ వ్యక్తి దారుణ హత్యకు గురైన ఘటన కలకలం రేపింది.

స్థానికుల సమాచారం ప్రకారం.. గురువారం రాత్రి సుమారు 9 గంటల నుంచి 9:30 గంటల మధ్య ఈ ఘటన జరిగినట్లు తెలుస్తోంది. గుర్తుతెలియని వ్యక్తులు ఓ వ్యక్తి కళ్లలో కారం చల్లి, రాళ్లు, పెద్ద బండరాళ్లతో దాడి చేసినట్లు స్థానికులు చెబుతున్నారు. తీవ్రంగా గాయపడిన బాధితుడు అక్కడికక్కడే మృతిచెందినట్లు సమాచారం.

ఘటనపై సమాచారం అందుకున్న పోలీసులు వెంటనే సంఘటనా స్థలానికి చేరుకుని పరిశీలన చేపట్టారు. స్థానికులను విచారిస్తూ ఘటనకు సంబంధించిన వివరాలను సేకరిస్తున్నారు. హత్యకు పాత కక్షలు కారణమా? లేక మరేదైనా కారణం ఉందా? అనే కోణంలో పోలీసులు దర్యాప్తు చేస్తున్నట్లు తెలుస్తోంది.

గంధంవారిగూడెం ప్రాంతంలో జరిగిన ఈ ఘటనతో స్థానికుల్లో తీవ్ర ఆందోళన వ్యక్తమవుతోంది.

అయితే హత్య వెనుక అసలు కారణం ఏమిటి? నిందితులు ఎవరు? పాత కక్షలే కారణమా? మరేదైనా వివాదం ఉందా? అనే విషయాలు పోలీసుల దర్యాప్తులో తేలాల్సి ఉంది.

ఘటనకు సంబంధించిన పూర్తి వివరాలు పోలీసుల దర్యాప్తు అనంతరం వెల్లడయ్యే అవకాశం ఉంది.

హలో బహుజన.. చలో హైదరాబాద్ సభను విజయవంతం చేయాలి

బీఎస్పీ దేవరకొండ నియోజకవర్గ అధ్యక్షుడు కామేపల్లి సైదులు

డిండి మండలంలోని పలు గ్రామాల్లో పోస్టర్ ఆవిష్కరణ

దేవరకొండ, సెప్టెంబర్ 30 (త్రినేత్ర ట్రూత్‌లైన్): బహుజన సమాజ్ పార్టీ వ్యవస్థాపకులు, బహుజన ఉద్యమ నిర్మాత మాన్యశ్రీ కాన్షీరాం వర్ధంతి సందర్భంగా అక్టోబర్ 9, 2026న హైదరాబాద్‌లో నిర్వహించనున్న ‘హలో బహుజన.. చలో హైదరాబాద్’ భారీ బహిరంగ సభను విజయవంతం చేయాలని బీఎస్పీ దేవరకొండ నియోజకవర్గ అధ్యక్షుడు కామేపల్లి సైదులు పిలుపునిచ్చారు. సభకు పెద్ద సంఖ్యలో బహుజనులు తరలివచ్చి విజయవంతం చేయాలని కోరారు. ఈ సందర్భంగా దేవరకొండ నియోజకవర్గంలోని డిండి మండలంలోని వివిధ గ్రామాల్లో బీఎస్పీ నాయకులు, కార్యకర్తలు పోస్టర్లను ఆవిష్కరించారు. కాన్షీరాం ఆశయాలు, బహుజన సమాజ అభ్యున్నతి కోసం బీఎస్పీ చేపడుతున్న కార్యక్రమాలను ప్రజల్లోకి తీసుకెళ్లాలని నాయకులు పిలుపునిచ్చారు. ఈ కార్యక్రమంలో బీఎస్పీ నాయకులు, కార్యకర్తలు, బహుజనులు తదితరులు పాల్గొన్నారు.

తూనీకలు… కందిరీగలై పీడిస్తున్నాయా?

• తనిఖీల పేరుతో చిన్న వ్యాపారులపై ఒత్తిడి అంటున్న వ్యాపారులు

• “తనిఖీలు చేశాం.. కానీ రికార్డులు లేవు” అంటున్న అధికారులు!

• ఆర్టీఐతో వెలుగులోకి వచ్చిన అధికారుల సమాధానాలు

నల్గొండ, త్రినేత్ర ట్రూత్‌లైన్:
చిన్న వ్యాపారులపై తనిఖీల పేరుతో అధికారులు వ్యవహరిస్తున్న తీరు ఇప్పుడు ప్రశ్నార్థకంగా మారింది. నిబంధనల ప్రకారం తనిఖీలు నిర్వహిస్తున్నామని అధికారులు చెబుతుండగా.. అసలు ఆ తనిఖీలకు సంబంధించిన పూర్తి వివరాలు, ఆధారాలు, రికార్డులు ఎక్కడున్నాయన్న ప్రశ్నకు మాత్రం స్పష్టమైన సమాధానం కనిపించడం లేదని చిన్న వ్యాపారులు ఆరోపిస్తున్నారు.

“తనిఖీల పేరుతో అధికారులు తరచూ వస్తున్నారు. నిబంధనలు చెబుతున్నారు. కానీ తాము చేసిన తనిఖీకి సంబంధించిన రికార్డులు, పరిశీలన వివరాలు అడిగితే మాత్రం సమాధానం ఉండదు” అంటూ పలువురు చిన్న వ్యాపారులు ఆవేదన వ్యక్తం చేస్తున్నారు.

ఆర్టీఐతో అడిగితే… అసలు విషయం బయటకు?

తనిఖీలకు సంబంధించిన వివరాలను తెలుసుకునేందుకు సమాచార హక్కు చట్టం కింద దరఖాస్తు చేయగా.. సంబంధిత అధికారులు సమాధానం ఇచ్చారు. అయితే ఆ సమాధానంలో తనిఖీలకు సంబంధించిన పూర్తి స్థాయి రికార్డులు అందుబాటులో లేకపోవడం, లేదా అడిగిన సమాచారానికి స్పష్టమైన ఆధారాలు చూపకపోవడం పలు ప్రశ్నలకు తావిస్తోంది.

తనిఖీ జరిగిందంటే దానికి సంబంధించి కనీసం తనిఖీ తేదీ, తనిఖీ చేసిన అధికారి వివరాలు, వ్యాపార సంస్థ వివరాలు, తనిఖీ నివేదిక, గుర్తించిన లోపాలు, తీసుకున్న చర్యలు, జారీ చేసిన నోటీసులు, జరిమానాలు లేదా తదుపరి చర్యలకు సంబంధించిన రికార్డులు ఉండాల్సిందే.

అయితే ఇవేవీ సక్రమంగా నమోదు కాలేదా?
లేక నమోదు చేసిన రికార్డులు ప్రజలకు అందుబాటులో లేవా?
లేదా తనిఖీలు జరిగాయని చెప్పడానికి మాత్రమే వ్యవస్థ నడుస్తోందా?

ఇప్పుడు ఇదే అసలు ప్రశ్న.

“తనిఖీలు తప్ప.. రికార్డులు ఉండవు” అంటే ఎలా?

ప్రభుత్వ వ్యవస్థలో ఒక అధికారి నిర్వహించిన తనిఖీ కేవలం నోటి మాటగా మిగిలిపోవాల్సిన వ్యవహారం కాదు. అధికారికంగా చేపట్టిన చర్యకు అధికారిక రికార్డు ఉండటం పరిపాలనా పారదర్శకతలో కీలకం.

అలాంటప్పుడు “తనిఖీలు చేశాం.. కానీ రికార్డులు లేవు” అనే పరిస్థితి ఉంటే.. అది కేవలం చిన్న వ్యాపారుల సమస్యగా చూడాల్సిన విషయం కాదు.

తనిఖీ జరిగిందని చెబుతున్నప్పుడు దానికి సంబంధించిన రికార్డు ఎందుకు లేదు?

రికార్డు లేకుండా తనిఖీ ఆధారంగా ఎలాంటి చర్యలు తీసుకున్నారు?

చర్యలకు ఆధారం ఏమిటి?

తనిఖీ ప్రక్రియకు బాధ్యత వహించే అధికారి ఎవరు?

అనే ప్రశ్నలకు సంబంధిత శాఖ సమాధానం చెప్పాల్సిన అవసరం ఉంది.

చిన్న వ్యాపారులే ఎందుకు లక్ష్యం?

చట్టాలు, నిబంధనలు అందరికీ సమానమే. తనిఖీలు కూడా నిబంధనల ప్రకారమే జరగాలి. కానీ చిన్న వ్యాపారులపై మాత్రం తరచూ తనిఖీల ఒత్తిడి ఉంటోందని ఆరోపణలు వస్తున్నాయి.

తనిఖీ పేరుతో అధికారులు రావడం ఒకవైపు.. ఆ తనిఖీకి సంబంధించిన రికార్డులు అడిగితే అవి కనిపించకపోవడం మరోవైపు ఉంటే.. ఈ వ్యవస్థలో అసలు పారదర్శకత ఎక్కడుంది? అనే ప్రశ్న సహజంగానే ఉత్పన్నమవుతుంది.

చిన్న వ్యాపారి తప్పు చేస్తే నిబంధనల ప్రకారం చర్యలు తీసుకోవాలి. అదే సమయంలో అధికారి తనిఖీ చేస్తే ఆ తనిఖీ కూడా నిబంధనల ప్రకారమే జరిగిందని రికార్డులతో నిరూపించాల్సిందే.

తనిఖీకి రికార్డు లేకపోతే.. బాధ్యత ఎవరిది?

ప్రజలపై నిబంధనలు అమలు చేసే అధికార యంత్రాంగమే తన చర్యలకు సంబంధించిన రికార్డులను నిర్వహించకపోతే.. సాధారణ పౌరుడు తనపై తీసుకున్న చర్యను ఎలా ప్రశ్నించాలి?

ఇదే ఇప్పుడు చిన్న వ్యాపారుల నుంచి వస్తున్న ప్రధాన ప్రశ్న.

“మమ్మల్ని తనిఖీ చేశారు.. కానీ ఆ తనిఖీ రికార్డు ఎక్కడ?”

“మాపై అభ్యంతరం ఉంటే దానికి ఆధారం ఏమిటి?”

“అధికారుల తనిఖీలకు కూడా జవాబుదారీతనం ఉండదా?”

అనే ప్రశ్నలు సమాధానాల కోసం ఎదురుచూస్తున్నాయి.

తూనీకలు కందిరీగలై కుడుతున్నాయా?

చిన్న వ్యాపారులు తమను తాము ప్రశ్నించుకోలేని స్థితిలో ఉన్నారని ఆరోపిస్తుంటే.. సమాచార హక్కు చట్టం ద్వారా అడిగిన ప్రశ్నలకు కూడా పూర్తి రికార్డులు వెలుగులోకి రాకపోవడం వ్యవస్థపై మరిన్ని సందేహాలకు కారణమవుతోంది.

తనిఖీ నిజంగా జరిగితే — రికార్డు ఎక్కడ?
రికార్డు ఉంటే — బయటపెట్టడానికి అభ్యంతరం ఏమిటి?
రికార్డు లేకపోతే — తనిఖీకి ఆధారం ఏమిటి?

ఇది చిన్న వ్యాపారులపై మాత్రమే కాదు.. అధికార వ్యవస్థ పారదర్శకత, జవాబుదారీతనంపై నిలిచిన ప్రశ్న.

తూనీకల్లా వచ్చి.. కందిరీగల్లా కుడుతున్నారన్న చిన్న వ్యాపారుల ఆరోపణల్లో వాస్తవం ఎంత?
తనిఖీలు నిబంధనల ప్రకారమే జరిగాయా?
రికార్డులు ఎందుకు లేవు?
ఉంటే ఎందుకు అందుబాటులోకి రాలేదు?

ఈ ప్రశ్నలకు సంబంధిత అధికారులు రికార్డులతో సమాధానం చెప్పాలి.

— త్రినేత్ర ట్రూత్‌లైన్

కొండా లక్ష్మణ్‌ బాపూజీ నేటి తరానికి ఆదర్శం

తెలంగాణ ప్రజల హక్కుల కోసం ఆయన పోరాటం స్ఫూర్తిదాయకం: సాదుల పవన్‌కుమార్‌

నంగునూరు, సెప్టెంబర్‌ 27 (త్రినేత్ర ట్రూత్‌లైన్ ప్రతినిధి): తెలంగాణ ప్రజల ఆత్మగౌరవం, హక్కుల కోసం పోరాడిన కొండా లక్ష్మణ్‌ బాపూజీ నేటి తరానికి ఆదర్శమని వ్యవసాయ మార్కెట్‌ కమిటీ వైస్‌ చైర్మన్‌ సాదుల పవన్‌కుమార్‌ అన్నారు.

నంగునూరు మండల కేంద్రంలో పద్మశాలి సమాజం ఆధ్వర్యంలో కొండా లక్ష్మణ్‌ బాపూజీ జయంతి వేడుకలు నిర్వహించారు. ఈ సందర్భంగా ఆయన విగ్రహానికి నాయకులు, పద్మశాలి సమాజ ప్రతినిధులు పూలమాలలు వేసి నివాళులర్పించారు.

స్వాతంత్ర్య ఉద్యమంలో పాల్గొన్న బాపూజీ అనంతరం తెలంగాణ ప్రాంత అభివృద్ధి, ప్రజా సమస్యల పరిష్కారం, బడుగు బలహీన వర్గాల సంక్షేమం కోసం కృషి చేశారని పవన్‌కుమార్‌ గుర్తుచేశారు. ఆయన ఆశయాలను నేటి తరం ముందుకు తీసుకెళ్లాలని పిలుపునిచ్చారు.

కార్యక్రమంలో దాసరి రామలింగం, సాదుల చంద్రశేఖర్‌, దాసరి రవి, కారంపూరి శ్రీనివాస్‌, బింగి రవీందర్‌, బొజ్జ మహేష్‌, ఆనందాస్‌ విష్ణుమూర్తి, దాసరి మల్లేశం, కారంపూరి రామచంద్రం, ఆరగొండ శశి, పోతన వినోద్‌, దికొండ భాను, దాసరి వినయ్‌, దాసరి శేఖర్‌, వేముల ప్రశాంత్‌, గాజర్ల సిద్దు, దాసరి నవీన్‌ తదితరులు పాల్గొన్నారు.

విద్యుత్‌ సౌధ ముట్టడికి ఉద్యోగుల పిలుపు

ఎస్సీ, ఎస్టీ ఉద్యోగులు అధిక సంఖ్యలో పాల్గొనాలి: చింత ఎల్లయ్య

హైదరాబాద్‌, సెప్టెంబర్‌ 27 (త్రినేత్ర ట్రూత్‌లైన్ ప్రతినిధి): ఎస్సీ, ఎస్టీ ఉద్యోగుల హక్కుల పరిరక్షణ, మెరిట్‌ కమ్‌ సీనియారిటీ అంశాలపై సెప్టెంబర్‌ 28న హైదరాబాద్‌లో నిర్వహించనున్న “చలో విద్యుత్‌ సౌధ–మహాధర్నా” కార్యక్రమానికి ఎస్సీ, ఎస్టీ ఉద్యోగులు అధిక సంఖ్యలో తరలిరావాలని తెలంగాణ బహుజన విద్యుత్‌ ఎలక్ట్రిసిటీ ఎంప్లాయీస్‌ రాష్ట్ర ప్రధాన కార్యదర్శి చింత ఎల్లయ్య పిలుపునిచ్చారు.

ఎస్సీ, ఎస్టీ ఉద్యోగుల హక్కుల కోసం నిర్వహిస్తున్న ఈ కార్యక్రమాన్ని విజయవంతం చేయాలని ఆయన కోరారు. ఉద్యోగులు, సంఘం నాయకులు పెద్ద సంఖ్యలో పాల్గొని తమ హక్కుల కోసం గళం వినిపించాలని విజ్ఞప్తి చేశారు.

వరంగల్ ఎయిర్‌పోర్టుకు సర్దార్ సర్వాయి పాపన్న గౌడ్ పేరు పెట్టాలి

కల్లూరి నవీన్ గౌడ్ డిమాండ్‌

నల్గొండ, సెప్టెంబర్‌ 25 (త్రినేత్ర ట్రూత్‌లైన్ ప్రతినిధి): వరంగల్‌లో నిర్మిస్తున్న విమానాశ్రయానికి తెలంగాణ వీరుడు సర్దార్ సర్వాయి పాపన్న గౌడ్ పేరు పెట్టాలని గౌడ సంఘం నల్గొండ నియోజకవర్గ యువజన నాయకుడు కల్లూరి నవీన్ గౌడ్ డిమాండ్ చేశారు. సర్వాయి పాపన్న గౌడ్‌ చరిత్ర, పోరాట స్ఫూర్తిని భవిష్యత్ తరాలకు చాటిచెప్పేలా విమానాశ్రయానికి ఆయన పేరు పెట్టాలని కోరారు.

తెలంగాణ చరిత్రలో సర్దార్ సర్వాయి పాపన్న గౌడ్‌కు ప్రత్యేక స్థానం ఉందని, ప్రభుత్వం ఈ విషయాన్ని పరిశీలించి తగిన నిర్ణయం తీసుకోవాలని నవీన్ గౌడ్‌ కోరారు.

గణనాథుని ఆశీస్సులు అందరిపై ఉండాలి

చిన్న కంజర్లలో ప్రత్యేక పూజలు, అన్నదానం

పఠాన్‌చెరు, సెప్టెంబర్‌ 25 (త్రినేత్ర ట్రూత్‌లైన్ ప్రతినిధి): పఠాన్‌చెరు మండలం చిన్న కంజర్ల గ్రామంలో అంబేద్కర్‌ యూత్‌ అసోసియేషన్‌ ఆధ్వర్యంలో కొలువుదీరిన గణనాథుడికి ఇంద్రేశం మున్సిపాలిటీ చిన్న కంజర్ల 1వ వార్డు కౌన్సిలర్‌ మల్లేపల్లి శ్రీనివాస్‌ కుటుంబ సభ్యులతో కలిసి ప్రత్యేక పూజలు నిర్వహించారు. అనంతరం అన్నదాన కార్యక్రమం చేపట్టారు.

ఈ సందర్భంగా శ్రీనివాస్‌ మాట్లాడుతూ విఘ్నేశ్వరుడి ఆశీస్సులతో ప్రజలంతా సుఖసంతోషాలతో, ఆయురారోగ్యాలతో జీవించాలని ఆకాంక్షించారు. అనంతరం నిర్వహించిన గణనాథుని లడ్డూ వేలంపాటలో పాల్గొని లడ్డూను దక్కించుకున్నారు.

కార్యక్రమంలో అంబేద్కర్‌ యూత్‌ అసోసియేషన్‌ కమిటీ సభ్యులు, భక్తులు, గ్రామ ప్రజలు తదితరులు పాల్గొన్నారు.

సవత్తరంగా సాగిన మండల సమావేశం

బాల్కొండలో తెలంగాణ పబ్లిక్‌ స్కూల్‌ ఏర్పాటు చేయాలని సర్పంచుల డిమాండ్‌

బాల్కొండ, సెప్టెంబర్‌ 24 (త్రినేత్ర ట్రూత్‌లైన్‌ ప్రతినిధి): నిజామాబాద్‌ జిల్లా బాల్కొండ మండల ప్రజాపరిషత్‌ సమావేశం గురువారం మండల అభివృద్ధి అధికారి అధ్యక్షతన జరిగింది. సమావేశంలో పలు అభివృద్ధి, విద్యా సంబంధిత అంశాలపై చర్చ జరిగింది.

ఈ సందర్భంగా మండల సర్పంచులు బాల్కొండలో తెలంగాణ పబ్లిక్‌ స్కూల్‌ ఏర్పాటు చేయాలని అధికారులను కోరారు. తెలంగాణ ప్రభుత్వం పబ్లిక్‌ స్కూళ్ల ఏర్పాటుకు సంబంధించి జీఓ జారీ చేసిందని, రవాణా సౌకర్యాలు ఉన్న ప్రాంతాల్లో పాఠశాలలను ఏర్పాటు చేస్తున్న నేపథ్యంలో బాల్కొండ అసెంబ్లీ నియోజకవర్గంలోనూ తెలంగాణ పబ్లిక్‌ స్కూల్‌ ఏర్పాటు చేయాలని వారు విజ్ఞప్తి చేశారు.

బాల్కొండ సర్పంచ్‌ గాండ్ల రాజేష్‌ మాట్లాడుతూ.. ఈ అంశంపై గతంలోనే ఉన్నతాధికారులకు విన్నవించినట్లు తెలిపారు. బాల్కొండలోని జిల్లా పరిషత్‌ ఉన్నత పాఠశాలలో ఉన్న తరగతి గదులు, ప్రయోగశాలలు, క్రీడా మైదానం, పాఠశాల సమీపంలోని ప్రభుత్వ భూములను పరిశీలించాలని ఆర్మూర్‌ సబ్‌ కలెక్టర్‌ను కోరినట్లు పేర్కొన్నారు.

తెలంగాణ పబ్లిక్‌ స్కూల్‌ ఏర్పాటుకు అవసరమైన మౌలిక వసతులు బాల్కొండలో ఉన్నాయని, అధికారులు పరిశీలించి పాఠశాల మంజూరుకు చర్యలు తీసుకోవాలని మండల సర్పంచుల సంఘం అధ్యక్షుడు జి. మోహన్‌రెడ్డి కోరారు. ఈ విషయాన్ని ఉన్నతాధికారుల దృష్టికి తీసుకెళ్తామని మండల విద్యాధికారిణి కృష్ణవేణి హామీ ఇచ్చారు.

సమావేశంలో బాల్కొండ తహసీల్దార్‌ శ్రీనివాస్‌, మండల అభివృద్ధి అధికారి విజయ భాస్కర్‌రెడ్డి, ఎంపీవో గంగామోహన్‌, రాధావినాయక్‌, మండల విద్యాధికారిణి కృష్ణవేణి, మిషన్‌ భగీరథ వెంకటేశం, ఏపీవో ఇందిర, ఏఈఎన్‌ రాజు, విద్యుత్‌ ఏఈ ఎస్‌. కిషన్‌ తదితర అధికారులు పాల్గొని ఆయా శాఖల నివేదికలను సమర్పించారు.

ఎంజీయూలో ఘనంగా వినాయక చవితి నిమార్జన వేడుకలు

ప్రత్యేక పూజల్లో పాల్గొన్న ఎన్‌ఎస్‌యూఐ రాష్ట్ర కార్యదర్శి బైరు ప్రసాద్‌గౌడ్‌

*నల్లగొండ, సెప్టెంబర్‌ 24 (త్రినేత్ర ట్రూత్‌లైన్‌ ప్రతినిధి):* నల్లగొండలోని మహాత్మాగాంధీ యూనివర్సిటీలో వినాయక చవితి సందర్భంగా నిర్వహించిన ప్రత్యేక పూజా కార్యక్రమంలో ఎన్‌ఎస్‌యూఐ రాష్ట్ర కార్యదర్శి బైరు ప్రసాద్‌గౌడ్‌ ముఖ్య అతిథిగా పాల్గొన్నారు. 24వ వార్డు కార్పొరేటర్‌ గోపగాని స్వాతిరాజశేఖర్‌, టీఎస్‌యూ జిల్లా కోఆర్డినేటర్‌ కత్తుల జయచందన్‌తో కలిసి ఆయన వినాయకుడికి ప్రత్యేక పూజలు నిర్వహించారు.

ఈ సందర్భంగా విద్యార్థులు, అధ్యాపకులు, యూనివర్సిటీ సిబ్బందికి వినాయక చవితి, శోభాయాత్ర శుభాకాంక్షలు తెలిపారు. విద్యార్థులు విద్య, జ్ఞానం, విజయాల్లో ముందుకు సాగాలని ఆకాంక్షించారు. కార్యక్రమంలో విద్యార్థులు, యూనివర్సిటీ సిబ్బంది తదితరులు పాల్గొన్నారు.

#ganeshnavaratri #ganeshutsav #nalgonda #vinayakachavithi #kumkumapuja #telangananews #telugunews #thrinethratruthline

అక్రమ అరెస్టులను ఖండించాలి
కాంగ్రెస్ ఎన్నికల మేనిఫెస్టోను అమలు చేయాలి - తుమ్మల వీరారెడ్డి
నల్లగొండ, సెప్టెంబర్ 16 (త్రినేత్ర ట్రూత్‌లైన్): కార్మికుల హక్కుల కోసం ఆందోళనలు చేస్తున్న వారిని ముందస్తు అరెస్టుల పేరుతో అక్రమంగా నిర్బంధించడాన్ని ఖండించాలని సిఐటియు రాష్ట్ర ఉపాధ్యక్షుడు తుమ్మల వీరారెడ్డి, జిల్లా కార్యదర్శి ఎండి సలీం కోరారు. బుధవారం సిఐటియు రాష్ట్ర కమిటీ పిలుపు మేరకు నల్లగొండ కలెక్టరేట్ ఎదుట సామూహిక నిరసన దీక్ష నిర్వహించారు. ఈ సందర్భంగా వీరారెడ్డి మాట్లాడుతూ కాంగ్రెస్ ఎన్నికల మేనిఫెస్టోలో ఇచ్చిన కనీస వేతనం రూ.26 వేలు, ఫిక్స్‌డ్ వేతనం రూ.18 వేలు, ఉద్యోగ బీమా, వెల్ఫేర్ బోర్డు, మల్టీపర్పస్ విధానం రద్దు వంటి హామీలను వెంటనే అమలు చేయాలని డిమాండ్ చేశారు. కార్మికుల సమస్యల పరిష్కారం కోసం పలుమార్లు వినతిపత్రాలు ఇచ్చినా స్పందన లేకపోవడంతో ఆందోళనలు చేపడుతున్నారని తెలిపారు. కార్మికులు, నాయకుల ఇళ్లపై దాడులు చేసి ముందస్తు అరెస్టుల పేరుతో భయభ్రాంతులకు గురిచేయడం సరికాదన్నారు. అక్రమ అరెస్టులతో కార్మిక ఉద్యమాలను అణచలేరని, డిమాండ్లు పరిష్కరించకపోతే పోరాటాలను మరింత ఉధృతం చేస్తామని హెచ్చరించారు. అనంతరం జిల్లా జాయింట్ కలెక్టర్ బి. శ్రీనివాస్‌కు వినతిపత్రం అందజేశారు. కార్యక్రమంలో సిఐటియు నాయకులు చిన్నపాక లక్ష్మీనారాయణ, లకపాక రాజు, దండెంపల్లి సత్తయ్య, అవుట రవీందర్, పోలే సత్యనారాయణ, పొడిశెట్టి నాగమణి, బి. పార్వతి, మహేశ్వరి, తావిటి వెంకటమ్మ, పొన్న అంజయ్య తదితరులు పాల్గొన్నారు.

అక్రమ అరెస్టులను ఖండించాలి
కాంగ్రెస్ ఎన్నికల మేనిఫెస్టోను అమలు చేయాలి - తుమ్మల వీరారెడ్డి
నల్లగొండ, సెప్టెంబర్ 16 (త్రినేత్ర ట్రూత్‌లైన్): కార్మికుల హక్కుల కోసం ఆందోళనలు చేస్తున్న వారిని ముందస్తు అరెస్టుల పేరుతో అక్రమంగా నిర్బంధించడాన్ని ఖండించాలని సిఐటియు రాష్ట్ర ఉపాధ్యక్షుడు తుమ్మల వీరారెడ్డి, జిల్లా కార్యదర్శి ఎండి సలీం కోరారు. బుధవారం సిఐటియు రాష్ట్ర కమిటీ పిలుపు మేరకు నల్లగొండ కలెక్టరేట్ ఎదుట సామూహిక నిరసన దీక్ష నిర్వహించారు. ఈ సందర్భంగా వీరారెడ్డి మాట్లాడుతూ కాంగ్రెస్ ఎన్నికల మేనిఫెస్టోలో ఇచ్చిన కనీస వేతనం రూ.26 వేలు, ఫిక్స్‌డ్ వేతనం రూ.18 వేలు, ఉద్యోగ బీమా, వెల్ఫేర్ బోర్డు, మల్టీపర్పస్ విధానం రద్దు వంటి హామీలను వెంటనే అమలు చేయాలని డిమాండ్ చేశారు. కార్మికుల సమస్యల పరిష్కారం కోసం పలుమార్లు వినతిపత్రాలు ఇచ్చినా స్పందన లేకపోవడంతో ఆందోళనలు చేపడుతున్నారని తెలిపారు. కార్మికులు, నాయకుల ఇళ్లపై దాడులు చేసి ముందస్తు అరెస్టుల పేరుతో భయభ్రాంతులకు గురిచేయడం సరికాదన్నారు. అక్రమ అరెస్టులతో కార్మిక ఉద్యమాలను అణచలేరని, డిమాండ్లు పరిష్కరించకపోతే పోరాటాలను మరింత ఉధృతం చేస్తామని హెచ్చరించారు. అనంతరం జిల్లా జాయింట్ కలెక్టర్ బి. శ్రీనివాస్‌కు వినతిపత్రం అందజేశారు. కార్యక్రమంలో సిఐటియు నాయకులు చిన్నపాక లక్ష్మీనారాయణ, లకపాక రాజు, దండెంపల్లి సత్తయ్య, అవుట రవీందర్, పోలే సత్యనారాయణ, పొడిశెట్టి నాగమణి, బి. పార్వతి, మహేశ్వరి, తావిటి వెంకటమ్మ, పొన్న అంజయ్య తదితరులు పాల్గొన్నారు.

న్యాయవాదుల సమస్యల పరిష్కారానికి కృషి చేస్తా

నల్లగొండ, సెప్టెంబర్ 18 (త్రినేత్ర ట్రూత్‌లైన్): తెలంగాణ రాష్ట్ర బార్ కౌన్సిల్ చైర్మన్ సామల రామిరెడ్డిని నల్లగొండ బార్ అసోసియేషన్ ఆధ్వర్యంలో ఘనంగా సన్మానించారు. ఈ సందర్భంగా బార్ అసోసియేషన్ సభ్యులు, సీనియర్ న్యాయవాదులు ఆయనకు శుభాకాంక్షలు తెలిపారు. ఈ సందర్భంగా తెలంగాణ రాష్ట్ర బార్ కౌన్సిల్ చైర్మన్ సామల రామిరెడ్డి మాట్లాడుతూ రాష్ట్రంలోని న్యాయవాదుల సమస్యల పరిష్కారానికి తాను ముందుంటానని తెలిపారు. న్యాయవాదులకు ఎల్లవేళలా అందుబాటులో ఉంటూ వారి సమస్యలను పరిష్కరించేందుకు కృషి చేస్తానన్నారు. 41 సీఆర్‌పీసీ, జూనియర్ న్యాయవాదుల హెల్త్ కార్డుల అంశాలపై రాష్ట్ర ప్రభుత్వంతో చర్చించి సమస్యల పరిష్కారానికి కృషి చేస్తానని తెలిపారు. న్యాయవాదులు నిరంతరం తమ విజ్ఞానాన్ని పెంపొందించుకోవాల్సిన అవసరం ఉందన్నారు. న్యాయవాదుల నైపుణ్యాలను మరింత అభివృద్ధి చేసేందుకు ప్రత్యేకంగా అకాడమీ ఏర్పాటు చేసి, నిరంతరం సెమినార్లు నిర్వహించేలా చర్యలు తీసుకుంటానని సామల రామిరెడ్డి తెలిపారు. న్యాయవాదుల్లో న్యాయపరమైన నైపుణ్యాన్ని పెంపొందించేందుకు తనవంతు కృషి చేస్తానన్నారు. ఈ కార్యక్రమంలో నల్లగొండ బార్ అసోసియేషన్ అధ్యక్షులు సతీష్ కుమార్, జనరల్ సెక్రెటరీ బి. అశోక్ కుమార్, సీనియర్ న్యాయవాదులు ఏ. మురళీధర్ రావు, ఎం. రామచంద్రరావు, పి. శ్యాంసుందర్, కే. జోహార్ లాల్, జి. జోహార్ లాల్, నేతి రఘుపతి, మేడం మోహన్ రెడ్డి, సంధి శ్రీనివాస్ రెడ్డి, మంద నగేష్, గిరి లింగయ్య గౌడ్, జనిగల రాములు తదితరులు పాల్గొన్నారు.

#hamara #prasad #dalitnews #news #thrinethra #truth #truthline #ambedkar #breakingnews #breaking #new #viral #viralvideo
#nagulapuruvaraprasad #hamaraprasad #varaprasad #telangananews #telugunews #breakingnews #latestnews #thrinethratruthline

#ganeshutsav #ganeshfestival #nalgonda #nalgondanews #nalgonda #police #ganeshcelebrations #vinayakachavithi #TelanganaNews #telugunews #thrinethratruthlinenews


గణేష్ ఉత్సవాలను ప్రశాంతంగా నిర్వహించాలి
ఉత్సవ నిర్వాహకులకు పోలీసుల అవగాహన కార్యక్రమం

నల్లగొండ మున్సిపల్ కార్పొరేషన్ పరిధిలో గణేష్ ఉత్సవాలను నిర్వహించనున్న నిర్వాహకులకు పోలీస్ శాఖ ఆధ్వర్యంలో అవగాహన కార్యక్రమం నిర్వహించారు. ఈ సందర్భంగా నల్లగొండ డీఎస్పీ కె. శివరాం రెడ్డి ఉత్సవ నిర్వాహకులకు పలు ముఖ్యమైన సూచనలు చేశారు.
గణేష్ ఉత్సవాలను ప్రశాంతమైన వాతావరణంలో, భక్తిశ్రద్ధలతో, ఎలాంటి అవాంఛనీయ ఘటనలకు తావులేకుండా నిర్వహించాలని సూచించారు. శాంతిభద్రతలకు విఘాతం కలిగించే చర్యలకు పాల్పడకుండా పోలీస్ శాఖ సూచనలు, నిబంధనలను తప్పనిసరిగా పాటించాలని స్పష్టం చేశారు.
ప్రజలకు ఎలాంటి ఇబ్బందులు కలగకుండా ఉత్సవాలను సజావుగా నిర్వహించేందుకు పోలీస్ శాఖకు నిర్వాహకులు సహకరించాలని కోరారు. శాంతిభద్రతలు, ప్రజా క్రమాన్ని కాపాడటంలో ప్రతి ఒక్కరూ బాధ్యతగా వ్యవహరించాలని సూచించారు.
ఈ కార్యక్రమంలో నల్లగొండ వన్‌టౌన్ ఇన్‌స్పెక్టర్ ఎమిరెడ్డి రాజశేఖర్ రెడ్డి, నల్లగొండ టూటౌన్ సర్కిల్ ఇన్‌స్పెక్టర్ ఆదిరెడ్డి, వన్‌టౌన్ ఎస్‌ఐలు జి. ముత్తయ్య, జె. సైదులు, టూటౌన్ ఎస్‌ఐ సైదా బాబు, రూరల్ ఎస్‌ఐ శివప్రసాద్, మున్సిపల్ అధికారులు, విద్యుత్ శాఖ అధికారులు, శాంతి కమిటీ సభ్యులు, హిందూ, ముస్లిం, క్రిస్టియన్ మత పెద్దలు, వివిధ రాజకీయ పార్టీల నాయకులు పాల్గొన్నారు

సాగర్ ఆయకట్టుకు వెంటనే నీళ్లు విడుదల చేయాలి

నీటి కోసం రైతులు అధైర్యపడొద్దు.. బీఆర్‌ఎస్‌ అండగా ఉంటుంది - మాజీ మంత్రి జగదీష్‌రెడ్డి

సాగర్ ఆయకట్టు కింద రైతులు పూర్తిస్థాయిలో నాట్లు వేసుకోవాలని, పంటలకు నీళ్లు విడుదల చేసే వరకు బీఆర్‌ఎస్‌ రైతుల పక్షాన పోరాడుతుందని మాజీ మంత్రి, సూర్యాపేట ఎమ్మెల్యే గుంటకండ్ల జగదీష్‌రెడ్డి అన్నారు. ఆదివారం నల్లగొండలోని బీఆర్‌ఎస్‌ జిల్లా కార్యాలయంలో నిర్వహించిన విలేకరుల సమావేశంలో ఆయన మాట్లాడారు.
ఎడమ కాల్వ, వరద కాల్వ, ఏఎంఆర్‌పీ, లో లెవల్, ఎస్‌ఎల్‌బీసీ ఆయకట్టుకు వెంటనే నీటిని విడుదల చేసి, స్పష్టమైన నీటి విడుదల షెడ్యూల్‌ను ప్రకటించాలని ఆయన డిమాండ్ చేశారు. సాగర్‌లో ఉన్న నీటిని రైతుల పంటలకు వినియోగించాలని, కనీసం ఒక పంటకైనా పూర్తి స్థాయిలో నీళ్లు అందించాలని కోరారు.
ఆంధ్రప్రదేశ్‌ నీటి దోపిడీని అడ్డుకోవడంలో తెలంగాణ ప్రభుత్వం విఫలమైందని జగదీష్‌రెడ్డి ఆరోపించారు. పోతిరెడ్డిపాడు, వెలిగొండ ప్రాజెక్టుల ద్వారా నీటి తరలింపుపై వెంటనే కృష్ణా నది యాజమాన్య బోర్డు (కేఆర్‌ఎంబీ)కి లేఖ రాయాలని డిమాండ్ చేశారు. తెలంగాణ ప్రయోజనాలను కాపాడటంలో ప్రభుత్వం బాధ్యతగా వ్యవహరించాలని అన్నారు.
రాష్ట్రంలో కాంగ్రెస్‌ ప్రభుత్వం పాలనపై దృష్టి పెట్టకుండా భూములు, కాంట్రాక్టులు, కమీషన్లపై దృష్టి సారిస్తోందని విమర్శించారు. భూ భారతి పేరుతో పెద్ద ఎత్తున భూములను నిషేధిత జాబితాలో చేర్చి రైతులను ఇబ్బందులకు గురిచేస్తున్నారని ఆరోపించారు.
కల్వకుర్తి లిఫ్ట్‌ ఇరిగేషన్‌కు విద్యుత్‌ బిల్లుల కారణంగా అంతరాయం ఏర్పడటం దురదృష్టకరమన్నారు. నల్లగొండ జిల్లాలో ఉదయ సముద్రం సహా చెరువులు, కుంటలకు ఏఎంఆర్‌పీ ద్వారా నీటిని అందించాలని డిమాండ్ చేశారు.
ఎడమ కాల్వకు నీటి విడుదల షెడ్యూల్ ప్రకటించకపోతే బీఆర్‌ఎస్‌ కార్యనిర్వాహక అధ్యక్షుడు కేటీఆర్‌ ప్రకటించిన పాదయాత్ర ద్వారా ప్రభుత్వంపై ఒత్తిడి తీసుకొస్తామని జగదీష్‌రెడ్డి తెలిపారు. రైతులు అధైర్యపడవద్దని, వారి కోసం ఎంతవరకైనా పోరాడుతామని స్పష్టం చేశారు.
ఈ సమావేశంలో ఎమ్మెల్సీ ఎం.సి. కోటిరెడ్డి, మాజీ ఎమ్మెల్యే కంచర్ల భూపాల్‌రెడ్డి, ఏఎంసీ మాజీ చైర్మన్ చీర పంకజ్‌యాదవ్, పార్టీ రాష్ట్ర కార్యదర్శి నిరంజన్‌వలి, జిల్లా గ్రంథాలయ సంస్థ మాజీ చైర్మన్ మల్లికార్జున్‌రెడ్డి, పార్టీ నాయకులు, కార్పొరేటర్లు, మాజీ ప్రజాప్రతినిధులు తదితరులు పాల్గొన్నారు.

#nalgonda #IconHospital #dmho #hospitalnews #nalgondanews #telangananews #PrivateHospital #healthdepartment #telangana #latestnews

#TrendingNews #ThrinethraTruthlineNews

#publichealth #healthconcerns #publicsafety #medicalwaste #telangananews #telugunews #breakingnews #nalgondanews #thrinethratruthlinetews

ప్రజల ఆరోగ్యానికి బాధ్యులు ఎవరు...!

https://www.epaperthrinethratruthline.co.in/epaper/clip/472

‘కల్పిత నాయకుడు’ అంటూ అంబేద్కర్‌ను అవమానించడాన్ని ఖండిస్తున్నాం

హమారా ప్రసాద్ రాస్తున్న పుస్తకాన్ని నిలిపివేయాలి - చందు

షాద్‌నగర్, సెప్టెంబర్ 15 (త్రినేత్ర ట్రూత్‌లైన్): డాక్టర్ బి.ఆర్. అంబేద్కర్‌పై సోషల్ మీడియాలో అనుచిత, అవమానకర వ్యాఖ్యలు చేస్తున్నారని ఆరోపణలు ఎదుర్కొంటున్న నాగులారపు వరప్రసాద్ అలియాస్ హమారా ప్రసాద్‌పై సమగ్ర విచారణ జరిపి చట్టపరమైన చర్యలు తీసుకోవాలని చందు తెలంగాణ ప్రభుత్వాన్ని, పోలీస్ శాఖను డిమాండ్ చేశారు.
హమారా ప్రసాద్ ‘కల్పిత నాయకుడు’ పేరుతో పుస్తకం రాస్తూ డాక్టర్ బి.ఆర్. అంబేద్కర్‌ను ఉద్దేశించి అవమానకర వ్యాఖ్యలు చేయడం కోట్లాది అంబేద్కర్ వాదుల మనోభావాలను దెబ్బతీసే విధంగా ఉందని చందు ఆరోపించారు. అంబేద్కర్‌పై అసత్యాలు, కల్పిత విషయాలను ప్రచారం చేయడాన్ని, ఆయన ప్రతిష్టకు భంగం కలిగించేలా వ్యాఖ్యలు చేయడాన్ని తీవ్రంగా ఖండిస్తున్నామని తెలిపారు.
సోషల్ మీడియాలో కులాలు, మతాల మధ్య విద్వేషాలు రెచ్చగొట్టేలా వ్యాఖ్యలు చేయడం సామాజిక సామరస్యానికి, శాంతిభద్రతలకు విఘాతం కలిగించే అవకాశం ఉందని పేర్కొన్నారు. ఇలాంటి చర్యలను తక్షణమే అరికట్టి, హమారా ప్రసాద్‌పై సమగ్ర విచారణ జరిపి చట్టపరమైన కేసు నమోదు చేయాలని డిమాండ్ చేశారు.
అలాగే హమారా ప్రసాద్ రాస్తున్న పుస్తకాన్ని నిలిపివేయాలని, డాక్టర్ బి.ఆర్. అంబేద్కర్‌ను ఉద్దేశించి అభ్యంతరకరంగా మాట్లాడుతున్న వ్యక్తిపై ప్రభుత్వం, పోలీస్ శాఖ చర్యలు తీసుకోవాలని కోరారు. హమారా ప్రసాద్ అంబేద్కర్ వాదులకు బహిరంగంగా క్షమాపణ చెప్పాలని చందు డిమాండ్ చేశారు.
ప్రభుత్వం ఈ అంశంపై స్పందించి తగిన చర్యలు తీసుకోకపోతే భవిష్యత్తులో రాష్ట్రవ్యాప్తంగా చోటుచేసుకునే పరిణామాలకు తెలంగాణ ప్రభుత్వం, పోలీస్ శాఖ బాధ్యత వహించాల్సి ఉంటుందని చందు హెచ్చరించారు.

సాగర్ ఆయకట్టుకు వెంటనే నీళ్లు విడుదల చేయాలి

నీటి కోసం రైతులు అధైర్యపడొద్దు.. బీఆర్‌ఎస్‌ అండగా ఉంటుంది - మాజీ మంత్రి జగదీష్‌రెడ్డి

సాగర్ ఆయకట్టు కింద రైతులు పూర్తిస్థాయిలో నాట్లు వేసుకోవాలని, పంటలకు నీళ్లు విడుదల చేసే వరకు బీఆర్‌ఎస్‌ రైతుల పక్షాన పోరాడుతుందని మాజీ మంత్రి, సూర్యాపేట ఎమ్మెల్యే గుంటకండ్ల జగదీష్‌రెడ్డి అన్నారు. ఆదివారం నల్లగొండలోని బీఆర్‌ఎస్‌ జిల్లా కార్యాలయంలో నిర్వహించిన విలేకరుల సమావేశంలో ఆయన మాట్లాడారు.
ఎడమ కాల్వ, వరద కాల్వ, ఏఎంఆర్‌పీ, లో లెవల్, ఎస్‌ఎల్‌బీసీ ఆయకట్టుకు వెంటనే నీటిని విడుదల చేసి, స్పష్టమైన నీటి విడుదల షెడ్యూల్‌ను ప్రకటించాలని ఆయన డిమాండ్ చేశారు. సాగర్‌లో ఉన్న నీటిని రైతుల పంటలకు వినియోగించాలని, కనీసం ఒక పంటకైనా పూర్తి స్థాయిలో నీళ్లు అందించాలని కోరారు.
ఆంధ్రప్రదేశ్‌ నీటి దోపిడీని అడ్డుకోవడంలో తెలంగాణ ప్రభుత్వం విఫలమైందని జగదీష్‌రెడ్డి ఆరోపించారు. పోతిరెడ్డిపాడు, వెలిగొండ ప్రాజెక్టుల ద్వారా నీటి తరలింపుపై వెంటనే కృష్ణా నది యాజమాన్య బోర్డు (కేఆర్‌ఎంబీ)కి లేఖ రాయాలని డిమాండ్ చేశారు. తెలంగాణ ప్రయోజనాలను కాపాడటంలో ప్రభుత్వం బాధ్యతగా వ్యవహరించాలని అన్నారు.
రాష్ట్రంలో కాంగ్రెస్‌ ప్రభుత్వం పాలనపై దృష్టి పెట్టకుండా భూములు, కాంట్రాక్టులు, కమీషన్లపై దృష్టి సారిస్తోందని విమర్శించారు. భూ భారతి పేరుతో పెద్ద ఎత్తున భూములను నిషేధిత జాబితాలో చేర్చి రైతులను ఇబ్బందులకు గురిచేస్తున్నారని ఆరోపించారు.
కల్వకుర్తి లిఫ్ట్‌ ఇరిగేషన్‌కు విద్యుత్‌ బిల్లుల కారణంగా అంతరాయం ఏర్పడటం దురదృష్టకరమన్నారు. నల్లగొండ జిల్లాలో ఉదయ సముద్రం సహా చెరువులు, కుంటలకు ఏఎంఆర్‌పీ ద్వారా నీటిని అందించాలని డిమాండ్ చేశారు.
ఎడమ కాల్వకు నీటి విడుదల షెడ్యూల్ ప్రకటించకపోతే బీఆర్‌ఎస్‌ కార్యనిర్వాహక అధ్యక్షుడు కేటీఆర్‌ ప్రకటించిన పాదయాత్ర ద్వారా ప్రభుత్వంపై ఒత్తిడి తీసుకొస్తామని జగదీష్‌రెడ్డి తెలిపారు. రైతులు అధైర్యపడవద్దని, వారి కోసం ఎంతవరకైనా పోరాడుతామని స్పష్టం చేశారు.
ఈ సమావేశంలో ఎమ్మెల్సీ ఎం.సి. కోటిరెడ్డి, మాజీ ఎమ్మెల్యే కంచర్ల భూపాల్‌రెడ్డి, ఏఎంసీ మాజీ చైర్మన్ చీర పంకజ్‌యాదవ్, పార్టీ రాష్ట్ర కార్యదర్శి నిరంజన్‌వలి, జిల్లా గ్రంథాలయ సంస్థ మాజీ చైర్మన్ మల్లికార్జున్‌రెడ్డి, పార్టీ నాయకులు, కార్పొరేటర్లు, మాజీ ప్రజాప్రతినిధులు తదితరులు పాల్గొన్నారు.